chungscc116's Xanga

Saturday, May 05, 2007

Sat, 05 May 2007 16:15:58 GMT

考試先黎病........shitttttttt!!!!!!!

冇野好講..........火都黎...............................................

唉...有苦自己知!!!!!!

Thursday, January 04, 2007

Thu, 04 Jan 2007 15:07:03 GMT

*2006-12-25/29*

依個week去左北海道旅行

好正....過左個白色聖誕節

係北海道玩左滑雪、雪上電單車、熊出沒注意同去左唔同gei地方

有一晚仲落雪tim......好正!!!

我仲食左好多唔同gei海鮮呀....超美味!!!

仲買左不少gei手信....hahaha!!!

Tuesday, July 25, 2006

Tue, 25 Jul 2006 18:00:17 GMT

*2006-07-23(Sun)*

~723火辣辣船河一日遊~

難得可以集合AAA人同日九人gei活動

一早起身出發，好早呀……

去到買好晒野，集合所有人，上船出發……gogogo

上到船，週圍影相，乘風破浪

到達沙灘，開始暢泳，爽!!!

Lunch，去到其中一個島度食，bad…….

然後上船繼續下半場

玩雙人氣墊水泡，超激，正!!!

時間過得真快，1800夠鐘走人……

~The End~

Monday, June 05, 2006

Mon, 05 Jun 2006 15:42:38 GMT

*2006-05-26/31*

go to dubai.......

post later........

Tuesday, May 23, 2006

Tue, 23 May 2006 16:39:12 GMT

*2005-05-21(Sun)*

Go to DisneyLand...............

Tuesday, May 16, 2006

Tue, 16 May 2006 13:29:34 GMT

*2005-05-16(Tue)*

The end of my dark age..........

finish exam.........not bad not good la.......

can rest for long time la........wahahaha!!!

but still need to school on summer holiday............ai........

will travel next week.........hopeful!!!

Sunday, April 23, 2006

Sun, 23 Apr 2006 13:12:16 GMT

*2006-04-23(Sun)*

wa.......long time haven't write diary.......too lazy!!!

today go to play basketball........so hot......burned-out!!!

final exam come soon.......busy.......

start my dark age!!!

Wednesday, March 29, 2006

Wed, 29 Mar 2006 08:17:56 GMT

*2006-03-26/27*

~澳門之旅~

哩兩日參加左P仔旅行社舉辦既”喪食馬交兩天豪華團”，食左好多不同既野，勁！

團員有我、cara、珍珍、kirby、samuel同大佬b……

第一日 (26/3)

上午9:15約了cara、珍珍同kirby係中港城等，食了一個very simple既breakfast就上船，開始我地既奇妙旅程，大約11點多，我地就到達目的地---澳門。我地首先去今晚會入住既酒店check in先，咁我地就係碼頭坐接駁小巴去，原來好近，兩分鐘都唔駛，行都冇問題，咁我地就去check in，不過就好慢，check左好耐先ok，仲要話一個鐘後先有房交，咁我地唯有去祭一祭我地係五臟果間廟先啦，就去左一間叫<<九如坊>>既葡國餐廳食我地第一部份既 lunch，我地只係叫左3樣野，木康布甸、馬介休球、三文魚梳乎里，所以有d唔係咁好意思，木康布甸首先登場，我地開頭諗住唔好食甜品先，食左其他先，但係到最後都忍受唔到佢呼喚我地，結果它做了我地今個旅程第一樣既祭品。食完就去第二部份既 lunch，我地就去左另外一間葡國餐廳<<Solmar>>，今次我地叫左茨菜湯(ai…我唔飲gei)、葡國雞同沙利文炒飯，不愧為正宗葡國餐廳，真係唔同d，唔錯唔錯。之後諗住去<<三元>>食粥，但係我地就搵唔到，唯有放棄，咁我地就去<<六記>>食紅豆餅，由於<<六記>>係街邊檔，今日有雨，竟然冇開!!!咁我地唯有去<<義順>>食燉蛋同燉奶，食少左兩度地方，有d唔抵。之後我地就番酒店接埋samuel同擺好d野繼續我地個行程，下晝第一個行程就係去<<大利來>>，咁我地就搭的士去，到達目的地後我竟然跌左個電話係架的士度，好在有好心人執番比我，如果唔係就大破財啦。到左<<大利來>>，久違了既阿公知道我地班子孫辛苦，就係依個時候決定復活幫我地一把，跟住我地就食左<<大利來>>最出名既豬扒包同試左果度d奶茶，真係唔錯，唔係我一陣要食留番個肚食其他野，我一定會食多一個，之後我地就去左附近既<<新好利>>餐廳，食左不同口味既蛋撻，有葡撻、普通蛋撻、燕窩蛋撻同鮮奶蛋撻，而我就叫多左一個菠蘿油，好大個，不過佢地就唔係咁欣賞，得cara試左四份一，咁我唯有蝕抵d食埋佢啦，食完我地豐富既下午茶之後，我地就去左<<漁人碼頭>>，去到我地就週圍咁影相，都幾大，但係就冇乜特別，都有d機動遊戲，不過就唔係咁啱我地玩，因為實在太過刺激，而且我地唔係咁夠膽玩d得一層高既跳樓機，同埋我地覺得都係留番比d小朋友玩好d，所以我地就係<<漁人碼頭>>入面週圍行同影下相就算la。由於我地好快就遊完依個<<漁人碼頭>>，距離我地既晚餐仲有些少時間，所以我地就決定去坐落於<<漁人碼頭>>對面既<<金沙賭場>>參觀一下，入到去我地冇玩到，都係週圍睇下，都幾大，而且仲有d性感既dancer姐姐跳下舞咁，不錯不錯。參觀一番後，我地就搭車去食晚餐，今晚既晚餐我地就選擇左一間高級葡國餐廳叫<<法蘭度>>食，環境不錯，都幾好feel，我地叫左幾樣野食，燒乳豬、燒沙甸魚、燒牛肉、澳門沙飯同sangia(一種果汁紅酒)，由於太容易入口，飲多左，好快就已經面紅，大家恐防會醉，飲左三份二就算la，而我覺得個燒牛肉好好味，燒沙甸魚都不錯，可惜就多左少少骨，咁食葡國餐有d麵包做前菜，依間d麵包就超級大個，我地一個share五份食，勁攪笑!!!品嚐完一餐豐富既晚宴之後，我地就搭巴士去睇賽狗，去到賽狗場，每人都要比10蚊做入場費，但係依10蚊可以用番落去投注，我地入到賽狗場咁就週圍睇下，都係冇乜特別，咁我地就去投注，我買1,6、cara買2,4、珍珍買4、kirby就買5，結果7隻狗我地冇買果兩隻就跑第一同第二，比晒機會samuel ga la，佢又唔買，抵佢同我地一樣輸錢，睇完之後我地就番酒店接大佬b。番到酒店我抖了一會，我地就再出動，今次我地就去<<法老王>>賭場，都係時候搵番今次既旅費，去到我、大佬b同samuel就換錢玩大細，cara、珍珍同kirby就去玩老虎機，大家分頭行事，玩左一陣我見cara、珍珍同kirby上番離，我以為佢地咁快就比d老虎打敗，原來唔係，佢地話好複雜唔係好識玩，咁我就同佢地去玩，搵左d一毫子機，我同cara一部、珍珍同kirby一部，大家係度慢慢玩，我地玩完之後先搵番samuel同大佬b，等佢地賭埋就走，明日續戰。賭完之後大家都一d肚餓，都係時間食宵夜，咁我地就諗住食夜粥，點知食夜粥果間鋪頭竟然執左，咁我地唯有搵過第二間la，由於果陣時都幾夜，都冇地方仲有得食，咁我地就去左酒吧街附近既一間台式餐廳度食，叫<<金寶島>>，坐落先發覺我地兩年前都係依間野度食過，都係啱啱係<法老王>>玩完，都幾啱!!!我地今次就叫左蠔仔餅、咖哩魷魚、炸魷魚、滷水雞翼、豆腐、滷水蛋、雞扒意粉同一d台式野飲，我地叫左果兩隻滷水蛋竟然要19蚊，有d貴，食完之後大家就番酒店休息，明天繼續。這時候阿公都已經淹淹一息了!!!

第二日 (27/3)

今日起身既時間係11點，梳洗完畢後就到samuel同大佬b房集合，好彩唔係我包尾ja，check out之後就開始今日既奇妙旅程，我地今日第一站要去既地方就係到<<坤記>>茶餐廳食lunch，<<坤記>>都係食葡國菜，由於係今日既第一餐，所以都幾豐富，我地叫左免治牛肉奄例、葡式牛尾、炸馬介休球、燒豬柳、燒魷魚、豬肚三角豆、葡式汽水同南瓜雜菜湯，依間<<坤記>>既老闆既招呼好熱情，係咁介紹野食比我地食，仲羅左d酸辣椒比samuel試，服務態度真係幾好。這個時候大家都知道阿公唔頂得幾耐，就決定救濟一下阿公，阿公知道有我地呢班咁乖既乖孫，一定好開心，食完依餐之後，我地就行過附近<<禮記>>食雪糕，去到<<禮記>>，我地變得好瘋狂，叫左四個三文治雪糕、仲有椰子、香芋、士多啤梨、咖啡、花生、茫果、朱古力味雪糕，好似傻左咁，d雪糕有d都幾好味，有d就唔係咁好食，不過我地都好滿足。食完之後梗係要去散步la，所以我地就去左大三巴度行下，不過今日既天氣唔係咁好，有d落雨，去到大三巴果度都幾大，所以我地就冇係大三巴度影相，只係週圍度行下，行完後我地就冇乜野做，所以我地決定再去賭場博殺，今次我地選擇掠奪<<金沙>>賭場，因為大佬b未去過，所以我地就過左去<<金沙>>賭場，去到之後珍珍同kirby就冇入到去，去左八佰伴度過下二人世界，我、cara、samuel同大老b就入去博殺，我同cara就去獵殺老虎，samuel同大老b就去做「骰」魔，分頭行事，由於今日d老虎好惡，我同cara打獵左一陣就徹退，而且仲損失左唔少子彈，咁我地就去其他地方睇人打獵，睇到咁上下就搵番大佬b同samuel睇下佢地點，跟住我地四個就係張玩大細既table度一齊睇一齊玩，睇到咁上下cara話佢feel到就離開圍骰，咁samuel就信佢，買左一舖，但係唔中，之後大佬b都買左一舖，都係唔中，咁唔知講講下咩，samuel就叫我同大佬b每人羅100蚊出離，連續買三盤圍骰，買完就走，我地決定博一博，點知都係唔中，咁我地就諗住走，走就走la，samuel係都話睇多一舖咁多，唔睇由自好，一睇就把幾火，我地連續買果三盤又唔開，係要到第四盤先離開，激到我地唔知好嬲定好笑，連個荷官都話買遲一舖咪中lor，真係好似整定咁，不過我地都覺得好開心，咁樣輸都輸得開心d。之後我地就join番珍珍同kirby，就去買手信同食晚餐，我地首先去買紐結糖，跟住就去<<鉅記>>買其他手信，大家收穫都好豐富，一袋二袋，然後就去<<誠昌飯店>>度食第一部份既晚餐，我地叫左水蟹粥、蒸大鱔、炸鯪魚球，依三樣野都好好味，係條鱔蒸得唔係咁入味，食完第一部份梗係要食第二部份la，跟住我地就去左<<達榮魚翅湯麵>>，一睇個名就知係食依個魚翅湯麵la，我同cara就叫左魚翅湯米，佢地就叫魚翅湯麵，依度仲有果d大樽裝可樂，我同samuel就每人叫左一枝，唔錯!!!食完就梗係要食甜品la，我地就去左<<沙度娜>>，由於samuel同大佬b未食過木康布甸，所要我地決定食多一次，我梗係覺得冇所謂la，最緊要都係有得食ma，我地仲叫左一個tim，不過就唔係好大個，咁我地梗係要影相留念，就叫左果度個人幫我地影，點知佢好似唔係好識用咁，我果部數碼相機都已經有防震功能ga la，佢都可以影到我地全部都變鬼影，影左幾次先攪得掂，強!!!食完晒都差唔多要走la，咁我地就去碼頭隔離既<<八佰伴>>都抖抖，準備上船，係<<八佰伴>>度，我地見仲有澳門錢，仲買多左個生果盤食，食完就行過去碼頭，等埋大佬b買完煙之後，就做最重要既事情，就係要分阿公身家，由於我地今次比起上次去台灣時孝順得多，每人都可以分番少少身家，可喜可賀!!!之後大家就坐船番香港，我地今次個”喪食馬交兩天豪華團”都圓滿結束!!!

~完~

......特別鳴謝kirby同cara幫我地設計今次旅程!!!

......成日話我大食……你地同我都係差唔多之麻!!!

......下次我地不會再令大家失望，一定會羅得番個團費!!!

Thursday, March 23, 2006

Thu, 23 Mar 2006 16:39:57 GMT

*2006-03-22(Wed)*

today sing k with cityu classmate.......k buffle.......at tst w/erica+carson+hei.....

they are k queen n k king......so powerful........crazy time!!!

.........said to her.........sorry.........all my fault.........

Friday, March 10, 2006

Fri, 10 Mar 2006 10:10:12 GMT

*2006-03-10(Fri)*

wa......long time have not write the diary.......so lazy!!!

today just back to school present.......not bad......

happen lot of things on me recently.......give me some more time........

concentrate on my project and homework are much better.......